Petro Poroşenkonun “Avropa Həmrəyliyi” fraksiyasından olan Ali Radanın deputatı İrina Qeraşenko prezident Vladimir Zelenskinin Donbass üzrə referendumun keçirilə biləcəyi ilə bağlı sözlərini şərh edərkən bildirib ki, belə bir tədbirin keçirilməsi Ukraynanı “parçalayacaq”. SİA xəbər verir ki, bu barədə Qeraşenko öz Teleqramında yazıb.
Qeyd edək ki, Zelenski dünən Donbass üzrə ümumUkrayna referendumunun keçirilməsini istisna etmədiyini bildirib.
"Prezident kabinetində təsadüfi şəxsdir. Daha təhlükəli odir ki, referendumla bağlı təsadüfi və çox təhlükəli sözlər toplusu ifadə olunur. Belə bir referendum cəmiyyəti parçalayacaq və ölkəni dağıdacaq", deyə Qeraşenko öz Teleqramında qeyd edib.
Deputatın sözlərinə görə, bu məsələyə referendumda baxıla bilməz.
"Hazırda Konstitusiyanın təminatçısı kimi çalışan Zelenskinin vəkili, əlbəttə ki, onu heç oxumayıb. Əks halda, o, ərazi bütövlüyü məsələlərinin referenduma çıxarılmadığını bilərdi. Ölkənin bütövlüyünü şübhə altına almaq vətənə xəyanətdir”, deyə Qeraşenko əlavə edib.
Onun fikrincə, “Ukrayna ordusunu və diplomatiyasını gücləndirmək lazımdır” və davam edən münaqişəni “heç bir referendum dayandıra bilməz”.
Bütün xəbərlər Facebook səhifəmizdə
USD
EUR
GBP
RUB