ABŞ və Aİ Çinlə diplomatik təmasların vacibliyini qəbul edir

ABŞ və Avropa İttifaqı xüsusilə konstruktiv əməkdaşlığın mümkün olduğunda Çinlə diplomatik təmasların vacibliyini təsdiq ediblər.

SİA xəbər verir ki, bu barədə cümə axşamı Çinlə bağlı ABŞ-Aİ yüksək səviyyəli danışıqlarından sonra verilən birgə bəyanatda deyilir.

Vaşinqtonda keçirilən görüşdə Aİ-nin baş katibi Stefano Sannino və ABŞ dövlət katibinin müavini Vendi Şerman sədrlik edib. ABŞ və Aİ arasında bu səviyyədə ilk görüş may ayında Brüsseldə baş tutub.

"Şerman və Sannino, xüsusən də maraqlarının üst-üstə düşdüyü və konstruktiv əməkdaşlığın mümkün olduğu məqamlarda Çin ilə diplomatik təmasların vacibliyini qəbul ediblər. Tərəflər mümkün olan məqamlarda Çinlə əməkdaşlıq etdiklərini, rəqabətə və sistemli rəqabətə məsuliyyətlə yanaşdıqlarını vurğulayıblar.

Tərəflər həmçinin ABŞ və Aİ nümayəndələrinin yüksək rütbəli Çin rəsmiləri ilə son görüşlərini, o cümlədən İranın nüvə proqramını, eləcə də Koreya yarımadasındakı vəziyyəti müzakirə edib. İqlim böhranı və sağlamlıq kimi əsas transmilli məsələlərdə rəsmi Pekin ilə nəticəyönümlü əlaqənin vacibliyi vurğulanıb.

Bütün xəbərlər Facebook səhifəmizdə