NATO və Amerika Birləşmiş Ştatları (ABŞ) administrasiyası bir daha xəbərdarlıq edib ki, Rusiya Ukraynaya qarşı güc tətbiq etsə, bunun “ciddi nəticələri və cavabı” olacaq.
SİA xəbər verir ki, NATO ölkələrinin xarici işlər nazirləri ümumiyyətlə Ukrayna sərhədində hərbi yığınaq etdiyi və 100 minə yaxın hərbçini yerləşdirdiyi bildirilən Rusiya ilə Belarusun Polşa, Latviya və Litva sərhədindəki qaçqın problemini müzakirə etmək üçün Latviyanın paytaxtı Riqaya toplaşıblar.
Türkiyəni xarici işlər naziri Mövlud Çavuşoğlunun təmsil etdiyi görüşdən əvvəl həm NATO-nun baş katibi Yens Stoltenberq, həm də ABŞ dövlət katibi Entoni Blinken Rusiyaya Ukraynaya qarşı güc tətbiq etməməsi ilə bağlı xəbərdarlıq ediblər.
2014-cü ildə Krımın qeyri-qanuni ilhaqını xatırladan NATO-nun baş katibi Stoltenberq iclasa gələrkən deyib:
“Rusiya yenidən Ukraynaya qarşı güc tətbiq etsə, bunun ciddi cavabı olacaq” .
Ciddi cavab deyərkən nəyi nəzərdə tutursunuz sualına Stoltenberq belə cavab verib:
"Bizim bir neçə seçimimiz var. Biz əvvəllər iqtisadi və siyasi sanksiyalar tətbiq etmişik. Baltik regionu və Qara dəniz regionunda mövcudluğumuzu artırmışıq ki, bütün müttəfiqlərimiz Rusiyanın istənilən təcavüzünə qarşı tam müdafiə olunsun".
Stoltenberq deyib ki, Latviya və ya digər Baltikyanı ölkələr, yaxud Polşa və Rumıniya kimi bir NATO müttəfiqi ilə"dəyərli NATO tərəfdaşı" kimi təsvir etdiyi Ukrayna arasındakı fərqi də anlamaq lazımdır.
ABŞ dövlət katibi Entoni Blinken də Rusiyanın Ukrayna sərhədindəki fəallığından narahat olduqlarını bildirib.
Ukraynada sabitliyi pozmaq üçün Rusiyanın da səyləri olduğuna dair fikirlərini bildirən Blinken bunların Rusiyanın taktiki həmlələri olduğunu və diqqətlə izlədiklərini bildirib.
Blinken "Hər hansı yeni təcavüzün ciddi nəticələri olar” ifadəsini işlədib.
Bütün xəbərlər Facebook səhifəmizdə
USD
EUR
GBP
RUB