Noyabrın 28-də Qırğızıstanda son bir ildə ikinci dəfə parlament seçkiləri keçirilir.
SİA-nın xəbərinə görə, seçkilər 2005-ci ildən sonra ilk dəfə qarışıq sxemlə aparılacaq: 54 deputat partiya siyahısı ilə, 36 nəfər isə birmandatlı dairələrdə seçiləcək.
Qanunverici orqandakı 90 yer uğrunda 21 siyasi partiyadan 300 namizəd mübarizə aparır. Ölkədə 3.7 milyon nəfər seçki hüququna malik vətəndaş var. Səsvermə günü ölkə daxilində və xaricdə 2500 səsvermə məntəqəsi fəaliyyət göstərəcək.
Qeyd edək ki, ötən payızda keçirilmiş parlament seçkiləri zamanı çoxsaylı qanun pozuntularına yol verildiyi üçün Mərkəzi Seçki Komissiyası nəticələri ləğv etmişdi.
Bütün xəbərlər Facebook səhifəmizdə
USD
EUR
GBP
RUB
