BMT Efiopiyaya humanitar yardım göndərib

Birləşmiş Millətlər Təşkilatı (BMT) Efiopiyada 450 min insana ərzaq yardımı edəcək

SİA TRT telekanalına istinadən xəbər verir ki, bu barədə BMT-nin Ümumdünya Ərzaq Proqramının (WFP) Efiopiya Ofisindən məlumat yayılıb. Bildirilib ki, qida yardımları ölkənin Dessie və Kombolça bölgələrində ehtiyacı olan insanlara paylanacaq. Ərzaq yardımlarının hökumət qüvvələri ilə Tiqray Xalq Azadlıq Cəbhəsi (TPLF) arasında baş verən qarşıdurmalardan zərər çəkmiş 450 min efiopiyalıya qarşıdakı iki həftə ərzində çatdırılacağına diqqət çəkilən açıqlamada, WFP-nin Tigrayda 2,9 milyon, Amharada 220 min və Afarda 124 min adama ərzaq yardım edilydiyi bildirilib. Beynəlxalq təşkilatlara yardımlara qatılmaları barədə çağırış edilib.

Qeyd edək ki, Efiopiya hökuməti cənuba doğru irəliləyişlərini davam etdirən “TPLF” üsyançıların hücumları səbəbindən noyabrın 2-də ölkədə fövqəladə vəziyyət elan edib.

Bütün xəbərlər Facebook səhifəmizdə

loading...