Mustafa Şəntop Özbəkistan Ali Məclisinin Qanunvericilik Palatasının vitse-prezidenti, Özbəkistan-Türkiyə Parlamentlərarası Dostluq Qrupunun rəhbəri Akmal Saidov və onu müşayiət edən nümayəndə heyətini qəbul edib. SİA bu barədə türk mətbuatına istinad edir.
Mustafa Şəntop TBMM-də baş tutan qəbulda qarşılıqlı ziyarətlərin ikitərəfli münasibətlərin inkişafına töhfə verdiyinə diqqət çəkib. İki ölkə arasında qardaşlıq hüququna əsaslanan strateji tərəfdaşlığın parlamentlərarası əlaqələrin inkişafı ilə də dəstəklənməli olduğu fikrindən müdafiə etdiyini bildirib. Qardaş Özbəkistan və özbək xalqının Türk millətinin nəzdində xüsusi yer və önəmə sahib olduğunu millət vəkillərinin daha intensiv görüşlər və ziyarətlərlə bu qardaşlığı daha da möhkəmləndirmək uğrunda səy etməli olduqlarını qeyd edib. Mustafa Şentop bildirib ki, Türküstan coğrafiyasının lider ölkəsi olan Özbəkistan türk və İslam sivilizasiyasının ən gözəl əsərlərinə sahib olmaqla yanaşı, siyasət, iqtisadiyyat və cəmiyyət baxımından gündən-günə inkişaf edən və güclənən bir ölkədir. Türkiyənin isə bu inkişafı yüksək qiymətləndirdiyini, ölkədəki islahat və transformasiya prosesini də yaxından izlədiklərini, Özbəkistanın Türkdilli Dövlətlər Təşkilatının üzvü olmasına sevindiklərini sözlərinə əlavə edib.
Özbəkistan Ali Məclisinin Qanunvericilik Palatası sədrinin müavini və Özbəkistan-Türkiyə Parlamentlərarası Dostluq Qrupunun sədri Saidov da Türkiyə ilə həm beynəlxalq Türk Mədəniyyəti Təşkilatı (TÜRKSOY), həm də Türkdilli dövlətlər Təşkilatı çərçivəsində birgə fəaliyyət göstərəcəklərini vurğulayıb.
Bütün xəbərlər Facebook səhifəmizdə
USD
EUR
GBP
RUB