Pandemiya səbəbindən bir il ara ilə qeyd olunan “Halloven” bayramında xərcləmə rekordu qırılıb. Kostyumlar, balqabaqlar və bəzək əşyalarının satışı təkcə ABŞ-da 10 milyard dolları keçib. Nyu-Yorkda keçirilən ənənəvi "Halloven" kostyum paradına maraq böyük olub. SİA xarici mətbuata istinadən bildirir ki, ənənəvi bayramdan beynəlxalq əyləncə üsuluna çevrilən “Halloven” ötən il pandemiya səbəbindən qeyd oluna bilməyib. COVID-19 peyvəndi sayəsində sosial həyata qayıtmaq bu ilki bayramı tarixin ən böyük bayramına çevirib. Təkcə ABŞ-da xərclər 10 milyard dolları keçib. Ötən il xərclər 8 milyard dollar olub. Şəxsi məclislər, ev şənlikləri və küçə paradları şəhərləri nəhəng kostyum toplarına çevirib.
Qeyd edək ki, bu ilki "Halloven" geyimləri "Squid Game" serialından ilhamlanıb.
Bütün xəbərlər Facebook səhifəmizdə
USD
EUR
GBP
RUB