Gürcüstanın keçmiş prezidenti Mixail Saakaşvili, baxılan cinayət işləri üzrə məhkəmə iclaslarının təyin olunmadığı ilə bağlı beynəlxalq ictimaiyyətə müraciət edib. SİA xəbər verir ki, bu barədə eks-prezident Saakaşvili öz Facebook səhifəsində qeyd edib.
Qeyd edək ki, Saakaşvili oktyabrın 1-də Gürcüstanda saxlanılıb və indi Rustavi şəhərindəki həbsxanadadır. Gürcüstanda onun bir neçə cinayət işində iştirak etdiyi iddia edilir.
"Beynəlxalq ictimaiyyətə müraciətim: 1 oktyabrda həbs olundum və həbs edildim. Həbs, dünyada heç kimin tanımadığı iki məhkəmə hökmü və iki yarımçıq iş üçün həbs qərarı əsasında edildi. Qanunvericiliyə uyğun olaraq, davam edən və baxılan bir iş əsasında saxlanılan hər hansı bir şəxs dərhal məhkəməyə gətirilməlidir. Mən doqquz gündür ki, məhkəmə iclası olmadan həbsxanadayam və iş üzrə hakim bu gün vəkilimə heç bir dinləmənin gözlənilmədiyini söyləyib. Növbəti həftələrdə seçkilərin ikinci turundan əvvəl məni ictimaiyyətə göstərməmək üçün açıq bir cəhd var. Demək olar ki, hər bir böyük şəhərdə mənim partiyam İvanişvilinin partiyası ilə çiyin-çiyinə yürüş edir. Ümid edirəm məsələ diqqətdən kənarda qalmayacaq", deyə Saakaşvili Facebook-da paylaşım da edib.
Xatırladaq ki, bir qədər əvvəl Saakaşvili oktyabrda yerli özünüidarə orqanlarına seçkilərə qədər vətəninə qayıtmaq niyyətində olduğunu bildirmişdi. O, dərhal Gürcüstanda bir neçə cinayət işi üzrə daxili axtarışa verildi. Ölkə rəsmilərinin nümayəndələri dəfələrlə sərhədi keçən kimi onu saxlayacaqlarını bəyan ediblər.
Bütün xəbərlər Facebook səhifəmizdə
USD
EUR
GBP
RUB