Fransa Toulon məhkəməsi Fransa prezidenti Emmanuel Makronu reklam lövhəsində Hitlerə bənzədən adamı 10 min avro cərimələyib. SİA xəbər verir ki, bu barədə “France-Presse” agentliyi məlumat yayıb.
Məlumatdqa qeyd olunur ki, keçmiş reklamçı, 62 yaşlı Mişel-Anj Flori, respublika prezidentini "ictimaiyyət qarşısında təhqir etmək" ittihamı ilə günahlandırılıb. Onun vəkili ittiham olunanın hüququnun pozulduğunu bildirib və məhkəmənin qərarından apellyasiya şikayəti verəcəyini vurğulayıb.
Xatırladaq ki, bir qədər əvvəl fotomontajlı plakatlar yayılıb və Makron onların üzərində Hitler obrazında təsvir edilib. Toulon prokurorluğu bu görüntülərin ortaya çıxması ilə əlaqədar bir iş açıb və Makronun vəkilləri müəlliflərindən şikayət ediblər.
Bütün xəbərlər Facebook səhifəmizdə
USD
EUR
GBP
RUB