Qeyri-hökumət təşkilatı “Sos Mediterranee”nin xilasetmə gəmisi Ocean Viking bazar günü gecə Aralıq dənizində 369 miqrantın xilas edildiyini açıqlayıb. SİA xarici KİV-lərə istinadən xəbər verir ki, təşkilat bir neçə gündə ümumilikdə altı xilasetmə əməliyyatı təşkil etdiklərini bildirib.
Rəsmilər "böyük taxta qayıqda" qurtarılan 369 nəfər arasında 9 qadın, 1 körpə, 2 uşaq və 110 yetkinlik yaşına çatmayan valideynsiz yeniyetmələrin olduğunu söyləyib. “Sos Mediterranee” 2016-cı ilin fevral ayından bəri Aralıq dənizində 30 mindən çox insanı xilas etdiyini söyləyib. Beynəlxalq Miqrasiya Təşkilatının məlumatlarına görə, 2021-ci ilin əvvəllərindən bəri Avropaya çatmağa çalışan 866 miqrant ölüb.
Birləşmiş Millətlər Təşkilatı (BM) bu yaxınlarda Liviya və Avropa Birliyindən (AB) Aralıq dənizində axtarış və xilasetmə əməliyyatlarında islahatlar aparmalarını istəyib.
Bütün xəbərlər Facebook səhifəmizdə
USD
EUR
GBP
RUB