Ümumdünya Səhiyyə Təşkilatının (ÜST) Avropa Regional Bürosunun Direktoru Hans Kluqe, koronavirusa qarşı peyvənd olunub və digərlərini də ondan nümunə götürməyə çağırıb. SİA xəbər verir ki, bu cağırışı Hans Kluqe Twitter-də yazıb.
"ÜST-nin Avropa Bölgəsində COVID-19-un ilk yoluxma hadisələrindən beş yüz iyirmi iki gün keçib və indi mən bölgəmizdə peyvənd olunmuş 202 milyondan biriyəm. Mən alimlərə və tibb işçilərinə, əməkdaşlarına minnətdaram", deyə Kluqe Twitter-də bildirib.
Xatırladaq ki, bir qədər əvvəl, Avropa Komissiyasının rəhbəri Ursula von der Layen, Brüssel İqtisadi Forumunda çıxış edərkən, Avropa Birliyinin yetkin əhalisinin təxminən 41% -nin koronavirus əleyhinə tam peyvənd olunduğunu söyləyib. Von der Layen, bunun 60% -dan çoxunun ən azı bir doza peyvənd aldığını söyləyib.
Bütün xəbərlər Facebook səhifəmizdə
USD
EUR
GBP
RUB