Xarici İşlər Nazirliyinin sözçüsü Maria Zaxarova, "Kosovo" adlı Qərb layihəsinin uğursuz olduğunu açıqlayıb. SİA xəbər verir ki, bu barədə RİA Novosti məlumat yayıb.
Məlumatda qeyd olunur ki, Serbiyanın "Kurir" qəzetinə verdiyi müsahibədə diplomat, maliyyə və informasiya dəstəyinə baxmayaraq, layihənin faktiki olaraq reallaşmadığını deyib.
Maria Zaxarova, sözlərini təsdiqləmək üçün, xüsusən Kosovo hakimiyyətinin 2013-cü il Brüssel razılaşmalarının həyata keçirilməsinə və geniş inzibati səlahiyyətlərə malik Kosovanın Serbiya Bələdiyyələr Birliyinin yaradılmasına məhəl qoymadığına diqqət çəkib.
"Bununla birlikdə, Brüssel, Kosovo albanlarını öz öhdəliklərinə riayət etməyə məcbur etmək üçün konkret addımlar qoymadan ləng müraciətlərlə məhdudlaşaraq bununla bağlı heç bir şey edə bilməz", dedi Rusiya Xarici İşlər Nazirliyinin sözçüsü bildirib.
Sözlərinə davam edən Zaxarova, bunun nəticəsi olaraq, bu gün qismən tanınan respublika onu dəstəkləyən Avropa ölkələri üçün əsl "qara dəlik" halına gəldiyini deyib.
"Kosovodakı mövcud vəziyyətə gəlincə, bu, mütəşəkkil cinayətkarlığın və korrupsiyanın çiçəkləndiyi, ekstremist və terrorçuların hücuma cəlb olunduğu, milli və dini nifrət və dözümsüzlük mühiti şişirdilən və ideologiyası olan Avropanın "qara dəliyi"-dir. Alban olmayan əhalinin kütləvi şəkildə etnik təmizlənməsinə haqq qazandırılır", deyə o Serbiya nəşrlərindən birinə verdiyi müsahibədə də qeyd edib.
Xatırladaq ki, Kosovo Respublikası, əsasən etnik albanların yaşadığı Balkan yarımadasında qismən tanınmış bir dövlətdir və eyni zamanda serb əhalisi də var. 2008-ci ildə Kosovo müstəqilliyini birtərəfli elan edib. Qərar Serbiya, Rusiya, Çin, İran, İspaniya, Yunanıstan və bir sıra digər dövlətlər tərəfindən tanınmır, ABŞ, Böyük Britaniya, Kanada və AB üzv dövlətlərinin əksəriyyəti onu dəstəkləyib.
Bütün xəbərlər Facebook səhifəmizdə
USD
EUR
GBP
RUB