İstanbulun Sarıyer rayonunda 11 mərtəbəli yaşayış binası çöküb. SİA-nın türk mətbuatına istinadən məlumatına görə, bina iki il əvvəl çökmə ehtimalına qarşı boşaldılıb.
İlkin məlumata əsasən, hadisə zamanı xəsarət alanların olmadığı bildirilir. Tikilinin yaxınlığındaki dayanacaqdaki üç avtomobilə ciddi ziyan dəyib.
Hadisə yerinə çox sayda mütəxəssis cəlb olunub. Hazırda ətraf binalara dəyən zərər araşdırılır.
Bölgəyə gələn Sarıyer Bələdiyyəsinin sədri Şükrü Genc adıgedən binanın 2019-cu ildə boşaldıldığını, sökülməsi üçün son sənədləşdirmə işlərinin aparıldığını bildirib.
Bütün xəbərlər Facebook səhifəmizdə
USD
EUR
GBP
RUB