ABŞ Arktikada mümkün hərbi qarşıdurmaya hazırlaşır. SİA xəbər verir ki, bu barədə RİA Novosti, “National Interest” qəzetindəki bir məqaləsinə istinadən məlumat yayıb.
Məqalə müəllifi Kris Osborn, amerikalıların son zamanlarda bölgədəki strategiyalarını bir neçə dəfə dəyişdirdiyini qeyd edib. Onun sözlərinə görə, heç kim Arktikada vuruşmaq istəmir, amma ABŞ ordusu buz əridiyi üçün bir sıra dövlətlər üçün yeni strateji imkanların yaranmasından narahatdır.
Osborn xatırladıb ki, ABŞ Dəniz Qüvvələri bu yaxınlarda Norveç hərbçiləri ilə ağır hava şəraitində əməliyyatları yaxşılaşdırmaq üçün təlim keçirib. O, Pentaqonun Rusiya ilə qarşıdurma ilə əlaqədar olaraq Oslo ilə əməkdaşlığa xüsusi diqqət yetirdiyini vurğulayıb. Qeyd edib ki, indi daha çox buzqıran var və bundan əlavə, Rusiya Federasiyası Şimal dəniz yolu üzərində işləyir.
Bununla əlaqədar olaraq ABŞ ordusu mütəxəssisləri sərt iqlimə davamlı silah sistemləri inkişaf etdirməyə çağırıb. Hərbi Dəniz Tədqiqatları Ofisi, temperatur dəyişmələrini və hərbi əməliyyatlara təsirlərini daha yaxşı anlamaq üçün Arktika su sütununu öyrənmək üçün sualtı pilotsuz aparatlardan istifadə edib.
Xatırladaq ki, bir qədər əvvəl ABŞ və Danimarka rəhbərliyi Rusiyanın Arktikada hərbi mövcudluğunun güclənməsindən narahat idi. Bundan əvvəl Rusiya Təhlükəsizlik Şurası Katibinin birinci müavini Yuri Averyanov da, Qərb ölkələrinin ekoloji mövzusundan Arktikadakı Rusiya layihələrini pozmaq üçün istifadə etməyə çalışdıqlarını söyləyib.
Bütün xəbərlər Facebook səhifəmizdə
USD
EUR
GBP
RUB