Rusiya Xarici İşlər Nazirliyinin Siyasi nəzəriyyə kafedrasının dosenti, Rusiya Beynəlxalq Münasibətlər Şurasının eksperti Kirill Koktiş, Vaşinqtonun Belarusiyaya qarşı hədəf aldığı sanksiyaların ağrılı olduğunu, lakin Minsk üçün kritik olmadığını söyləyib. SİA xəbər verir ki, bu barədə ekspert Kirill Koktiş RİA Novostiyə müsahibəsində deyib.
Qeyd edək ki, bir qədər əvvəl Ağ Ev, ABŞ-ın Avropa Birliyi və digər tərəfdaşları ilə əməkdaşlıq edərək Belarusiya səlahiyyətlilərinin əsas nümayəndələrinə qarşı məqsədyönlü sanksiyalar inkişaf etdirdiyini və 9 Belarus dövlət müəssisəsinə qarşı əvvəllər qaldırılmış sanksiyaları geri qaytarmaq niyyətində olduğunu bildirmişdi.
"Bu, ağrılıdır, ancaq kritik deyil. Belarusiya ixracat yönümlü bir iqtisadiyyata sahibdir və buna görə ixrac imkanları ilə bağlı hər hansı bir məhdudiyyət həmişə həssas məsələdir", dedi Koktiş RİA Novostiyə bildirib.
Eyni zamanda, ekspert Rusiya və ABŞ prezidentlərinin 16 iyun tarixində keçiriləcək görüşünün vacibliyini də qeyd edib. Xüsusilə, onun fikrincə, Qərbin sanksiyalarının daha da sərtləşdirilməsi həmin anadək "sərsəm" fikir olacaq.
"Putin və Bayden arasındakı görüş bu tədbirlərin uzunmüddətli xarakterini müəyyənləşdirəcək", deyə ekspert fikirlərini açıqlayıb.
Koktiş hesab edir ki, Qərbin sanksiyalarına cavab olaraq Belarusiya Rusiyaya yaxınlaşa bilər.
Bütün xəbərlər Facebook səhifəmizdə
USD
EUR
GBP
RUB