Pentaqon rəhbəri Lloyd Ostin İsrailli həmkarı Benni Qantz ilə telefon danışığı zamanı ABŞ rəhbərliyinin İsrail və Fələstinlilər arasında atəşkəsin möhkəmləndirilməsi üçün dəstəyini bildirib.
SİA-nın "TASS" agentliyinə istinadən verdiyi məlumata görə, bu barədə ABŞ hərbi departamentinin mətbuat xidmətinin açıqlamasında deyilir.
"Lloyd Ostin ABŞ-ın İsrailin təhlükəsizliyini davamlı şəkildə dəstəklədiyini təsdiqləyib. O, administrasiyanın (ABŞ) davamlı təhlükəsizliyin bərpası üçün atəşkəsin gücləndirilməsinə dəstəyini ifadə edib", - açıqlamada deyilir. Tərəflər gələcəkdə ümumi müdafiə məsələlərində sıx koordinasiyada fəaliyyətin davamı barədə razılıqlarını bildiriblər.
USD
EUR
GBP
RUB