Rusiya qarşıdurmanı dayandırmaq istəyir ZAXAROVA

Rusiya Xarici İşlər Nazirliyinin mətbuat xidmətinin rəhbəri Mariya Zaxarova, Moskvada fələstinlilər və israillilər arasında görüş təşkil etmək üçün bütün tərəflərlə təmasda olduqlarını bildirib. SİA-nın xarici mətbuata istinadən verdiyi məlumata görə, Rusiya dövləti İsrail və Fələstini görüşdürmək istəyir.

Zaxarova "Radio Rossii" radiosuna açıqlamsında bildirib ki, Moskvada görüşlər təşkil etmək təklifimiz hələ də qüvvədədir: "Fələstinlilərlə israilliləri bir araya gətirmək üçün tərəflər və orta şərq dördlüyü üzvləri ilə birlikdə çalışırıq".

Mətbuat xidmətinin rəhbəri qeyd edib ki, "fələstinlilər arasında bölünməni aradan qaldırmaq üçün digər tərəflərlə də işləyirik".

Müəllif: Qönçə Quliyeva

Bütün xəbərlər Facebook səhifəmizdə