Almaniya şəhərində komendant saatı elan edilib

Almaniyanın Şimali Reyn Vestfaliya əyalətinin Köln şəhərində komendant saatı elan edilib. SİA-nın xarici mətbuata istinadən verdiyi məlumata görə, insidans (hər 100 min əhalidən 100-nün virusa yoluxması) dəyərlərinin 100-ü keçdiyi Köln şəhərində axşam saat 21:00-dan sonra küçəyə çıxmaq qadağan olunub. Köln şəhərinin bələdiyyə sədri Henriette Reker bildirib ki, əyalətdə aktiv koronavirus daşıyıcılarının 60 minə yaxın olduğunu nəzərə alaraq komendant saatı elan etməyə məcbur qalıblar.

"Axşam saat 21-dən sonra küçəyə çıxmaq qadağan olunur. Bütün mağaza və marketlər bağlanacaq. Yalnız sifarişlə çatdırılma xidməti olan restoranların, növbətçi apteklərin fəaliyyətinə icazə veriləcək"- deyə, bələdiyyə sədri H.Reker bildirib.

O, qeyd edib ki, küçəyə çıxmaq qadağasına əməl etməyən şəxslər 250 avro məbləğində cərimələnəcəklər.

Məlumat üçün bildirək ki, Köln şəhəri azərbaycanlıların kompkat yaşadığını Almaniya şəhərləri sırasındadır.

Ölkədə aktiv koronavirus daşıyıcılarının sayı 267 700 nəfərdir, 79 628 nəfər bu virusun qurbanı olub, 2 752 000 nəfər isə sağalıb.

Bütün xəbərlər Facebook səhifəmizdə

loading...