ABŞ-ın yeni administrasiyası Donald Trampın rəhbərlik etdiyi əvvəlki hökumət tərəfindən Beynəlxalq Cinayət Məhkəməsinə (BCM) qarşı tətbiq etdiyi birtərəfli sanksiyaları və viza məhdudiyyətlərini ləğv edib.
SİA "TASS" agentliyinə istinadən xəbər verir ki, bu barədə ölkənin dövlət katibi Entoni Blinkenin açıqlamasında deyilir.
Bununla birgə, ABŞ-ın yeni hökuməti bu məhkəmənin Əfqanıstan və Fələstindəki vəziyyətlə bağlı qərarları ilə qətiyyən razı deyil.
Xatırladaq ki, keçən il D.Trampın administrasiyası Haaqada yerləşən BCM-i Əfqanıstanda Taliban və ABŞ ordusu daxil bütün silahlı qüvvələr tərəfindən törədilən hərbi cinayətlərinin araşdırılmasına qərar verdiyinə görə ABŞ-ın milli suverenliyini pozmaqda günahlandırıb. 2019-cu ildə ABŞ dövlət katibi Maykl Pompeo da İsrail qüvvələri daxil olmaqla Fələstin ərazilərində törədilən hərbi cinayətlərin istintaqına qarşı çıxıb.
Qeyd edək ki, daha əvvəl BCM ABŞ-ın bu sanksiyalarını beynəlxalq ədalət və qanunun aliliyinə təcavüz adlandırıb.
Bütün xəbərlər Facebook səhifəmizdə
USD
EUR
GBP
RUB