Rusiya koronavirusun mutasiyaya uğramış yeni variantının yayılmasına görə Böyük Britaniya ilə hava əlaqələrini kəsib. SİA-nın xəbərinə görə, bunu ölkənin Operativ Qərargahı açıqlayıb. Bildirilib ki, qərar dekabrın 22-i gecəyarı qüvvəyə minəcək. Qeyd edək ki, Ümumdünya Səhiyyə Təşkilatı koronavirusun yeni variantını sentyabrda Britaniyada aşkarlandığını açıqlayıb. Daha sonra bu Danimarka, Niderland, Avstraliyada, CAR və İtaliyada qeydə alınıb. Mutasiyanın Böyük Britaniyada yarandığı və ya ora sonradan gətirildiyi barədə məlumat yoxdur. Həmçinin hazırlanmış yeni vaksinlərin bu cür mutasiyaya qarşı effektiv olub-olmayacağı da məlum deyil.
Müəllif: Gülyana
Bütün xəbərlər Facebook səhifəmizdə
USD
EUR
GBP
RUB