Ümumdünya Səhiyyə Təşkilatının (ÜST) ekspertlər komandası yeni növ koronavirusun (COVİD-19) mənbəyini tapmaq üçün gələn ilin yanvar ayında Çinə yollanmağı planlaşdırırlar.
SİA-nın məlumatına görə, bu barədə missiyasının üzvü Fabian Lendertz "Associated Press" agentliyinə müsahibəsi zamanı deyib.
Onun sözlərinə görə, ÜST-nin komandası artıq çinli alimlərlə müzakirələrə başlayıb. Ehtimal edilir ki, ilk növbədə ekspertlər yeni koronavirusun ilk aşkarlandığı Uhan şəhərinə yollanacaqlar:
"Məsələ təqsirkar ölkəni tapmaqdan ibarət deyil. Məsələ nələrin baş verdiyini anlamağa çalışmaq və gələcəkdə bu məlumatları istifadə etməklə riski azalda biləcəyimizi anlamaqdan ibarətdir".
F.Lendertz qeyd edib ki, ekspertlər qrupuna Çində çalışdıqları müddətdə iki həftəlik karantin xaricində hər hansı bir məhdudiyyət haqqında məlumat verilməyib. ÜST-nin Çindəki missiyası 4-5 həftə davam edəcək: "Missiyanın sonunda hesabat olacaq, lakin mən əminəm ki, biz yenə də tam cavab ala bilməyəcəyik".
Bütün xəbərlər Facebook səhifəmizdə
USD
EUR
GBP
RUB