Ermənistan Konstitusiya Məhkəməsi parlament müxalifətinin konstitusiya dəyişikliklərinin həyata keçirilməsinə dair bəyanatını baxılması üçün qəbul edib. SİA xəbər verir ki, bu barədə "Maariflənmiş Ermənistan" fraksiyasının lideri Edmon Marukyan parlament dinləmələrindəki çıxışında bildirib.
"Maariflənmiş Ermənistan"dan digər millət vəkili Taron Simonyan qeyd edib ki, bəyanat, ölkə parlamenti tərəfindən iyul ayında qəbul edilən konstitusiyaya edilən dəyişikliklərlə əlaqədardır.
Parlamentdə əksəriyyəti təşkil edən Nikol Paşiyanın "Mənim addımım" blokundan olan millət vəkilləri bu vəzifədə 12 ildən çox işləmiş Konstitusiya Məhkəməsi hakimləri, eyni zamanda məhkəmə sədri Hrayr Tovmasyana səs vermişdi. Hökumət Tovmasyanı konstitusiyaya dəyişikliklərlə bağlı referendum yolu ilə əvəzləyəcəkdi, lakin o, koronavirus səbəbiylə ləğv edildi. Bundan sonra parlament konstitusiyanı (Konstitusiya Məhkəməsi hakimləri seçimi baxımından) müstəqil olaraq dəyişdirməyə qərar verdi. Sonra Konstitusiya Məhkəməsinin üç yeni üzvü namizəd göstərildi və parlament tərəfindən seçildi, məhkəmənin sədri Hrayr Tovmasyan adi hakim olaraq keçdi (onun yerinə Arman Dilanyan seçildi).
Bundan sonra, müxalifətçi "Maariflənmiş Ermənistan" Konstitusiya Məhkəməsindən ümummilli referendum olmadan parlamentdə konstitusiya maddələrinin dəyişdirilməsinin nə qədər qanuni olduğunu araşdırmasını tələb etdi. Bu məsələ 9 fevral 2021-ci il tarixdə Konstitusiya Məhkəməsində müzakirə ediləcək.
Bütün xəbərlər Facebook səhifəmizdə
USD
EUR
GBP
RUB