Rusiyanın Krasnodar Diyarında 4 nəfərin ölümü ilə nəticələnən yol qəzası baş verib

Cümə günü Rusiyanın Krasnodar Diyarında 4 nəfərin ölümü ilə nəticələnən qəza baş verib.

SİA "TASS" agentliyinə istinadən xəbər verir ki, hadisə Ust-Labinsk bölgəsində baş verib.

Regional Əməliyyat xidmətinin məlumatına görə, dəmir yolu keçidində yük qatarı ilə “Lada Priora” markalı minik maşını toqquşub.

Avtomobilin sürücüsü və üç sərnişin hadisə yerində dünyasını dəyişib. Xilasedicilər sıxılmış vəziyyətdə qalmış iki cəsədi yararsız hala düşmüş avtomobildən çıxarıb.

Qəzanın səbəbi araşdırılır.

Bütün xəbərlər Facebook səhifəmizdə

loading...