Duma Dağlıq Qarabağla bağlı bəyanat layihəsinə baxacaq

Rusiya Federasiyasının Federal Məclisinin Dövlət Duması bu gün keçiriləcək iclasda Dağlıq Qarabağdakı vəziyyətlə əlaqədar hərbi əməliyyatların dayandırılmasına və münaqişənin sülh yolu ilə həll edilməsi məqsədi ilə vasitəçilik təklifinə dair bəyanat layihəsinə baxacaq. SİA-nın məlumatına görə, bu barədə TASS məlumat yayıb.

Bildirilib ki, Dumanın MDB işləri, Avrasiya inteqrasiyası və həmvətənlərlə əlaqələr üzrə Komitəsi tərəfindən hazırlanan bəyanat layihəsinə əsasən, alt palatanın deputatları "Dağlıq Qarabağ münaqişəsi zonasında çoxsaylı insan ölümünə səbəb olan vəziyyətin kəskin şəkildə gərginləşməsindən ciddi narahatlıqlarını bildirirlər və tərəflərin güc tətbiq etməsini qətiyyətlə pisləyirlər".

Dövlət Duması "dərhal atəşkəsə ehtiyac olduğunu, bölgədə qarşıdurmanın artmasının qarşısının alınmasını və vəziyyətin sülh yolu ilə həllinə alternativ olmadığını" elan etmək niyyətindədir: "Dövlət Dumasının deputatları tərəfləri ən qısa müddətdə danışıqlar prosesinə qayıtmağa çağırırlar və vəziyyətin sabitləşdirilməsu üçün vasitəçilik etməyə hazırdırlar".

Müəllif: Aysel Məmmədova

Bütün xəbərlər Facebook səhifəmizdə

loading...