“Son həftə ərzində Gürcüstanda koronavirusa yoluxa sayında artımın olmasına baxmayaraq, ölkə “yaşıl” zonada qalır”.
SİA xəbər verir ki, bu barədə ölkənin Xəstəliklərə Milli Nəzarət Mərkəzinin rəhbəri Amiran Qamkrelidze açıqlama verib.O bildirib ki, digər ölkələrlə müqayisədə Gürcüstan əvvəlki kimi ən təhlükəsiz ölkələrdən biridir.
Qamkrelidzenin sözlərinə görə, Gürcüstanın malik olduğu təhüləksiz bölgə statusunu saxlamaq üçün əhali tövsiyələrə mütləq əməl etməlidir:
"Bizim bir çox vətəndaşlar artıq əsas tövsiyələrə əməl etmirlər. Bilirəm ki, maska və sosial məsafə ilə bağlı başınızı yormuşam, ancaq koronavirus əleyhinə daha güclü bir silah mövcud deyil. Yoluxanların sayındakı artıma baxmayaraq, Gürcüstan yaşıl, yəni təhlükəsiz zonada qalmaqda davam edir. Hamımız bilməliyik ki, bu təhlükəsizlik statusunu qorumaq lazımdır. Bunun üçün isə əməkdaşlıq və bütün tövsiyələrə əməl etmək mütləqdir", - deyə Qamkrelidze bildirib.
Baş epidemioloqun sözlərinə görə, aparılan testlərin sayı artırılıb: “Avqustda 4 min 665 test həyata keçirilibsə, sentyabrın 4-də bu gösətirici 8 min 259-a çatıb”.
Bütün xəbərlər Facebook səhifəmizdə
USD
EUR
GBP
RUB