"Google" kompaniyası okeanın dibi ilə ABŞ-dan İspaniya və Böyük Britaniyaya "Grace Hopper" sualtı optik lifli kabelin çəkilməsi işlərinə başladığını elan edib. SİA xəbər verir ki, kampaniyanın iyulun 28-də dərc olunan press-relizində kompüter proqramlaşdırılması üzrə amerikalı alımın şərəfinə adlandırılan "Grace Hopper" internet kabeli ABŞ-la Böyük Britaniya və İspaniya arasında əlaqə yaradacaq və şəbəkənin davamlılığını təmin edəcək.
Korporasiyanın məlumatına görə, "Grace Hopper" "Google" tarixində ABŞ və İspaniyanı birləşdirəcək ilk internet kabeli olacaq. Bundan başqa, press-relizdə bu layihənin Böyük Britaniya istiqamətində kompaniyanın özəl sualtı kabel marşrutuna qoyduğu ilk sərmayə olduğu qeyd edilir.
CNBC telekompaniyası "Grace Hopper" optik lifli kabelinin uzunluğunun ABŞ-dan Böyük Britaniyaya 6 250 kilometr, ABŞ-dan İspaniyaya isə 6 300 kilometr olacağını bildirir. "Google" həmçinin Portuqaliya ilə Cənubi Afrika Respublikasını və ABŞ-la Fransanı birləşdirən kabellərə də malikdir.
Bütün xəbərlər Facebook səhifəmizdə
USD
EUR
GBP
RUB