Türk Hava Yolları daxili və xarici uçuşlarını bərpa etdikdən sonra Eurocontrol (Avropa Hava Nəqliyyatı Təhlükəsizliyi Təşkilatı) bölgəsində ən çox uçuş icra edən hava yolu şirkəti oldu. SİA-nın məlumatına görə, Türk Hava Yollarının 400 uçuşu oldu, hansı ki Eurocontrol bölgəsində 24 Mart 2020 tarixindən bu yana ən yüksək göstəricidir.
Dünyada ən çox ölkəyə uçan hava yolu şirkəti olan Türk Hava Yolları daxili və xarici sərnişin uçuşlarını uğurla bərpa etdikdən sonra keçən həftə Avropada ən çox uçuş icra edən şirkət olduğu bildirildi.
17 İyun 2020-ci il tarixində Türk Hava Yollarının Eurocontrol bölgəsində 400 uçuşu oldu. Bu 24 Mart 2020 tarixindən sonra hava yolu şirkətinin olan ən yüksək göstəricisidir.
EUROCONTROL Avropa aviasiyasını dəstəkləyən mülki hərbi Pan Avropa təşkilatıdır. Onlar Türkiyənin milli bayraq daşıyıcısının İyun ayının ilk həftəsi İstanbul Hava Limanından 359 uçuş icra etdiyini təsdiq etdi. 14 İyun tarixində İstanbul Hava Limanında 3-cü müstəqil uçuş zolağının açılışı Türkiyə aviasiyasının gələcəyi üçün əlamətdar hadisə olduğundan İstanbul Hava Limanında eyni anda 3 təyyarə havalandı.
Türk Hava Yolları İdarə Heyyətinin və Administrativ Komitəsinin sədri İlker Aycı bildirdi: "Biz ürəkdən inanırıq ki, dünya bu krizisə qalib gələndə, hava nəqliyyatı həmişəkindən daha da yaxşılaşacaq. Qitələr, insanlar və mədəniyyətlər arasında körpü quran qonaqpərvərliyimiz ilə sizləri Türk Hava Yolları təyyarə göyərtəsində qarşılamaqdan məmnunluq duyacağıq. Müştərilərə yanaşma tərzimizi yeni normal standartlara təmamilə uyğunlaşdırmışıq".
Fəaliyyətin yenidən başlaması ilə birlikdə, Türk Hava Yolları həmçinin yeni Təhlükəsiz Səyahət Tövsiyyələri və sərnişinlərin sağlamlığını qorumaq üçün 2 yeni təyyarə içi xidmət elan etdi. Türkiyə bayraq daşıyıcısı sərnişinlərinə elmi datalar əsas götürülərək hazırlanan və tərkibində üz üçün maska, dezinfeksiya edici və antiseptik dəsmalın yer aldığı Gigiyena Dəstləri təqdim edir. Bununla yanaşı uçuşlarda təyyarədə gigiyenanı təmin etmək və sərnişinlərin sağlam səyahəti üçün sosial məsafə qaydalarına əməl edilməsini təmin edən Gigiyena Experti təyyarə bələdçiləri olur.
Müəllif: Aysel Məmmədova
Bütün xəbərlər Facebook səhifəmizdə
USD
EUR
GBP
RUB