ABŞ dövlət katibi Mayk Pompeo Rusiya Federasiyasında casusluqda ittiham olunan Amerikalı Pol Uilan haqqında verilən hökmdən qəzəbləndiyini və dərhal azad edilməsini tələb etdiyini söyləyib. SİA xəbər verir ki, bu barədə fikirlərini Dövlət katibi Tvitterdə yazıb.
"Bu gün Paul İulana verilən hökmdən hiddətlənirəm. Rusiya səlahiyyətlilərinin Pol ilə etdikləri davranış dəhşətli dərəcədə davam edir və biz onun dərhal azad edilməsini tələb edirik", deyə Dövlət katibi bildirib.
Pompeo məhkəmənin gizli şəkildə keçirildiyini, Uilanın günahının sübutlarının gizli şəkildə təqdim edildiyini və müdafiə şahidlərinin prosesə lazımi şəkildə girməmələrini pisləyib.
Xatırladaq ki, bazar ertəsi Moskva Şəhər Məhkəməsi Uilanı casusluqda ittiham edərək 16 il müddətinə maksimum təhlükəsizlik koloniyasına məhkum edib. Təqsirləndirilən şəxs isə son sözündə casusluqla məşğul olmadığını bildirib.
Proses ABŞ-da yaxından izlənilib, Amerika səfiri dəfələrlə dinləmələrə gəlib, ancaq birbaşa məhkəmə salonuna getməsinə icazə verilməyib, mühakimə qapalı rejimdə keçirilib.
Bütün xəbərlər Facebook səhifəmizdə
USD
EUR
GBP
RUB