Misir iyulun 1-dən etibarən daxili və qismən beynəlxalq aviaəlaqəni bərpa etməyi planlaşdırır.
SİA ölkənin İnformasiya naziri Üsamə Heykələ istinadən xəbər verir ki, ölkədə, həmçinin turizm sahəsi qismən bərpa olunacaq.
Nazir bildirib ki, turizm üçün ilk növbədə koronavirusdan daha çox ziyan çəkmiş bölgələr açılacaq. Bu, Cənubi Sinay, Qırmızı dəniz kurortlarına və Aralıq dənizi sahilində yerləşən Matrux əyalətinə aiddir.
Bundan başqa, ölkədə komendant saatının müddəti iki saat azaldılır, ticarət mərkəzlərinin iş saatları uzadılır.
Turizm Nazirliyi öz növbəsində piramidaların, Karnak məbədinin və Luksorda Tutanxamonun sərdabəsinin turistlər üçün açıldığını elan edib. Bu məntəqələrdə eyni anda 10-dək turist ola bilər.
Bütün xəbərlər Facebook səhifəmizdə
USD
EUR
GBP
RUB