ABŞ-ın Minneapolis şəhərində (Minnesota ştatı) polis tərəfindən saxlanılan afrikoamerikalı Corc Floydun ölümündən sonra Çikaqo (İllinoys ştatı) şəhərində başlayan etirazlar zamanı bir nəfər ölüb, daha beş nəfər yaralanıb. SİA-nın məlumatına görə, bu barədə "NBC" televiziya şirkəti polisə istinadən bildirib.
Hüquq-mühafizə orqanlarının verdiyi məlumata görə, nümayişçilərlə toqquşmalarda 240 nəfər saxlanılıb, 20-dən çox polis yaralanıb.
Xatırladaq ki, Corc Floydun ölümü ilə əlaqədar bu həftənin əvvəlində Minneapolis şəhərində (Minnesota ştatı) başlayan etiraz aksiyaları iğtişaşlara çevrilib və ABŞ-ın onlarla böyük şəhərinə yayılıb.
Bütün xəbərlər Facebook səhifəmizdə
USD
EUR
GBP
RUB