ABŞ Dövlət Departamenti İranın Daxili işlər naziri Əbdürrza Rəhmani Fəzli, ailə üzvləri və digər 11 rəsmiyə sanksiya tətbiq edib. SİA-nın mlumatına görə, bu barədə dövlət katibi Mayk Pompeo bildirib.
O qeyd edib ki, insan haqlarının pozulmasında iştirak edən iranlı rəsmilərə ABŞ-a səyahət qadağası tətbiq olunacaq.
Pompeo Fəzlinin İrandakı etiraz aksiyalarına qatılanlara qarşı zorakılıq tətbiq olunması istiqamətində polislərə təlimat verərək insan haqlarının pozulmasında böyük pay sahibi olduğunu deyib: “Fəzli və rejimin hədəfi etiraz aksiyaları, eyni zamanda ifadə azadlığı haqlarına təzyiq göstərməkdir. Bu təlimat 23-ü uşaq olmaqla, bir çox etirazçının ölümünə səbəb oldu”.
Qeyd edək ki, iranlı rəsmilər ABŞ Dövlət Departamenti ilə yanaşı, Maliyyə Nazirliyinin də “qara siyahısı”na salınıb.
Bütün xəbərlər Facebook səhifəmizdə
USD
EUR
GBP
RUB