Baltikyanı ölkələr digər dövlətlərlə hava uçuşlarını həmin ölkələrdə koronavirus pandemiyasına yoluxanların ümumi sayına əsaslanaraq bərpa edəcəkləri barədə razılığa gəliblər.
SİA xəbər verir ki, bu barədə məlumatı Latviyanın “LETA” informasiya agentliyi yayıb.
Latviya səhiyyə naziri İlze Vinkele söyləyib ki, virus 14 gün ərzində hər 100 min nəfərə 25 yoluxma halını aşmamalıdır.
Latviyanın Xəstəliklərin Profilaktikası və Nəzarət Mərkəzinin rəqəmlərinə əsasən, ölkədə hazırda hər 100 min nəfər əhaliyə 6 yoluxma halı düşür.
Bildirilib ki, aprel ayının əvvəllərində epidemiyanın ən yüksək həddində Latviyada hər 100 min nəfər əhaliyə 20,7 yoluxma faktı qeydə alınıb.
Baltikyanı ölkələrə digər ölkələrdən gələn bütün səyahətçilər üçün 14 günlük karantin rejimi əvvəlkitək qüvvədə qalır.
Bütün xəbərlər Facebook səhifəmizdə
USD
EUR
GBP
RUB