AB-dən Qərbi Balkan ölkələrinə 38 milyon avro yardım

Avropa Komissiyası koronavirusla mübarizə çərçivəsində (Covid-19) Qərbi Balkan ölkələrinə 38 milyon avro verəcəyini açıqlayıb. SİA bunu xarici KİV-lərə istinadən xəbər verir.

Maska, eynək, diaqnostik testlər kimi tibbi avadanlıqlar üçün pul yardımı çərçivəsində Albaniya (4 milyon avro), Şimali Makedoniya (4 milyon avro), Bosniya və Herseqovina (7 milyon avro), Monteneqro (3 milyon avro), Kosovo (5 milyon avro). ) və Serbiya (15 milyon avro) yardım alacaq.

Bu ölkələr Avropa Birliyinə üzv olmağı planlaşdırır. Avropa Birliyi Serbiya və Monteneqro ilə danışıqlar aparır. Albaniya və Şimali Makedoniya ilə danışıqların önümüzdəki aylarda açılması gözlənilir.

Komissiyanın qonşuluq və genişlənmə üzrə komissarı Olivér Várhelyi yazılı açıqlamasında, "Avropa tarixi bir böhranla üz-üzədir, lakin bu çətin zamanda belə, Qərbi Balkan ölkələrinin yanındayıq" deyib.

Digər tərəfdən Brüssel Azərbaycan, Ermənistan, Belarus, Gürcüstan, Moldova və Ukraynaya cəmi 140 milyon avro yardım edəcəyini açıqlayıb.

Müəllif: Aysel Məmmədova

Bütün xəbərlər Facebook səhifəmizdə

loading...