“Tokyo Sky Tree” qülləsi xüsusi işıqlandırılır

Yaponiyada yeni koronavirsla mübarizə çərçivəsində martın 27-dən başlayaraq “Tokyo Sky Tree” qülləsi xüsusi göy rənglə işıqlandırılır. Bu barədə SİA “Tobu Tower SKYTREE Co., LTD” şirkətinin yaydığı xəbərə istinadla xəbər verir.

Qeyd edilir ki, “COVID-19” ilə mübarizədə bütün dünyanın həmrəyliyini nümayiş etdirmək üçün martın 27-dən aprelin 5-dək “Tokyo Sky Tree” qülləsi Yerin rəmzi olan mavi rənglə işıqlandırılacaq. Həmçinin bildirilir ki, qüllənin birinci baxış meydançasının altında lazer kartoqrafiyası vasitəsilə ingilis dilində “Together we can all wın!” (“Biz birlikdə qalib gələcəyik”) sözləri yazılacaq.

Eyni zamanda qeyd edilir ki, “Yer saatı 2020-ci il” münasibətilə martın 28-də saat 20:30-dan 21:30-dək qüllənin işıqlandırılması və yazılar söndürüləcək.

Bütün xəbərlər Facebook səhifəmizdə

loading...