“Epidemiya, demək olar ki, bütün dünyaya yayılıb. Bu xəstəliyin yayılmasının qarşısını almaq üçün var-gücümüzlə çalışırıq”.
SİA xəbər verir ki, Türkiyə Prezidenti Rəcəb Tayyib Ərdoğan xalqına müraciətində belə deyib.
Yeni tip koronavirus (COVID-19) üzə çıxan gündən bəri Türkiyənin 20 yanvardan etibarən bütün qabaqlayıcı tədbirlər gördüyünü bildirən Ərdoğan bildirib ki, buna baxmayaraq, ölkəsində bu təhlükəli virusa yoluxma və ölüm halları baş verib: “İlk ölüm halı 18 martda oldu. Virusla mübarizə üçün 100 milyard lirəyə yaxın tədbirlər planı açıqladıq. Minimum əməkhaqqını 1500 lirəyə yüksəltdik. Həm xəstəliklə mübarizə, həm də bunun iqtisadi tərəfdən proseslərini tədricən elan etdik. Ölkəmizdə 53 min vətəndaşımızı evlərində müalicəyə götürdük. Bunlardan 709-u tamamilə sağaldı. 460 nəfəri hərtərəfli müayinə etdik, təəssüf ki, onların arasından 44-nü itirdik. Onu da deyim ki, vəfat edənlərimizin koronavirusdan xaric əlavə xəstəlikləri də olub”.
Türkiyə Prezidenti deyib ki, dünyanın 17 ölkəsinə koronavirusla mübarizə üçün yardım göndərilib.
Dünyada bu epidemiyadan sonra heç bir şeyin əvvəlki kimi olmayacağını vurğulayan Prezident Türkiyənin yeni dönəmə hazır olduğunu da qeyd edib: “Türkiyə olaraq bu yeni dövrə güclü bir infrastrukturla giririk. Diqqətli, ehtiyatlı olaq, mübarizə bizdən, təqdir Allahdandır”.
Bütün xəbərlər Facebook səhifəmizdə
USD
EUR
GBP
RUB