Birləşmiş Millətlər Təşkilatının (BMT) baş katibinin humanitar məsələlər üzrə müavini Mark Lowcock Suriyanın şimal-qərbində rejim və tərəfdarlarının hücumlarının davam etdiyi İdlibdə mülki vətəndaşların qaçması üçün təhlükəsiz bir yer qalmadığını söyləyib. SİA-nın məlumatına görə, Lowcock BMT Təhlükəsizlik Şurasındakı çıxışında bildirib ki, İdlibdəki dağıntıların miqyası qat-qat artıb və son 15 gündə hava və quru hücumları nəticəsində ən azı 100 vətəndaş həyatını itirib.
Bölgədə 900 mindən çox insanın şaxtalı havada piyada və ya yük maşınlarının arxasında toqquşmalardan qaçdığını vurğulayan Lowcock, "Təhlükəsizlikdə olacaqlarını düşündükləri daha izdihamlı yerlərə qaçırlar, amma İdlibdə heç bir şey təhlükəsiz deyil. Orada vətəndaşların qaça biləcəyi təhlükəsiz bir yer qalmayıb. Təxminən 50 min insan ağacların altında və açıq ərazilərdə məskunlaşıb. Hər gün körpələrin, uşaqların soyuqdan öldüyü barədə xəbərlər gəlir.
Müharibə bölgəsindən qaçıb körpələrinin soyuqdan donaraq öldüyünü görən ailələrin ağrılarını düşünün" - deyə bildirib. Türkiyə vətəndaş müharibəsindən qaçaraq torpaqlarına sığınan 4 milyona yaxın suriyalıya ev sahibliyi edir. İdlib şəhərində yaşanan bəşəri faciəyə biganə qalmayan Türkiyə qırğınların və fəlakətin qarşısını almaq üçün ciddi səy göstərir.
Bütün xəbərlər Facebook səhifəmizdə
USD
EUR
GBP
RUB