Türkiyədə zəlzələ dağıntılarının altından iki yaşlı qız uşağı sağ çıxarılıb

Türkiyənin şərqində qeydə alınmış güclü zəlzələ nəticəsində meydana gələn dağıntıların altından iki yaş yarımlıq qız uşağı 24 saatdan sonra sağ çıxarılıb.

SİA “Anadolu”ya istinadən xəbər verir ki, bu barədə Türkiyənin Səhiyyə naziri Fəxrəddin Qoca məlumat verib.

Bildirilir ki, uşaq anası ilə birgə Elazığ şəhərində dağılan evin altında qalıb. Qızcığaz çıxarıldıqdan bir neçə saat sonra anası da xilas edilib. Xilasedicilər qadının səsini eşidərək əlaqə qurublar.

Ana ilə bala hazırda xəstəxanada həkim nəzarəti altındadır.

Bütün xəbərlər Facebook səhifəmizdə

loading...