İraqda Əl-Quds xüsusi təyinatlı dəstəsinin rəhbəri general Kassem Süleymaninin İraqda ABŞ-ın keçirdiyi əməliyyatlar nəticəsində həlak olması ABŞ-la İran arasında qarşıdurmaya səbəb olacaq. SİA ren.tv-yə istinadən xəbər verir ki, bunu Federasiya Şurasının Xarici İşlər Komitəsinin sədri Konstantin Kosaçev deyib.
"Bu, çox ağır bir xəbərdir və İraqdakı radikal şiə fəallarının amerikalılarla yeni qarşıdurmalarını proqnozlaşdırır", deyə rus senator bildirib.
Kosaçevin sözlərinə görə, Süleymaninin öldürülməsi ABŞ-ın Bağdaddakı səfirliyinə edilən son hücum üçün "Amerikalıların qisası kimi görünən ən pis hadisədir".
"Əgər bu belədirsə, onda qisas alınması özünü çox gözlətməyəcək. Səhv etmiş olsam məmnun qalaram, çünki müharibələri başlamaq asandır, amma sona çatdırmaq çox çətindir", deyə komitə rəhbəri fikirlərini ifadə edib.
Rusiya Federasiyası Xarici İşlər üzrə Federasiya Şurası Komitəsinin sədri əlavə edib ki, İraqda bir generalın öldürülməsinə reaksiya özünü tez biruzə verəcək.
Xatırladaq ki, Kassem Suleimani, dünən gecə ABŞ-ın Bağdad Hava limanı yaxınlığındakı hədəflərə raket zərbəsi nəticəsində öldürülüb. Onun ölümü artıq İranda təsdiqlənib.
Bütün xəbərlər Facebook səhifəmizdə
USD
EUR
GBP
RUB