ABŞ Prezidenti Donald Trump, 2020 tarixində Milli Müdafiə Səlahiyyət Qanununu (NDAA), ölkə tarixində ən yüksək 738 milyard dollarlıq müdafiə büdcəsini imzalayıb. SİA-nın xarici mətbuata istinadən verdiyi məlumata görə, Milad tətilini keçirmək üçün Florida'ya getməzdən əvvəl Coint Andryus Hava limanında təşkil edilən mərasimdə iştirak edən Trump, Konqresdən əvvəl müdafiə büdcəsinə imza atıb.
Prezidentliyi dövründə Trump, Müdafiə Nazirliyinə (Pentaqon) hər il daha çox büdcə ayırdığını söyləyib və bu il 738 milyard dollarlıq büdcənin rekord olduğunu bildirib.
Səhnədə iki F-35 qırıcı təyyarəsi arasında sənədə imza atan Trump, eyni zamanda ABŞ Kosmik Komandanlığının qurulduğunu vurğulayıb. Trump Birləşmiş Ştatların Prezidenti olmaqdan qürur duyduğunu söyləyib.
Qanun Pentaqona 738 milyard dollar ümumi xərc, o cümlədən 635 milyard dollar əsas xərclər, 71.5 milyard dollar Xarici Ehtimal Əməliyyatları Fondu, 23.1 milyard dollar müdafiə və 8.1 milyard dollar digər müdafiə xərcləri üçün nəzərdə tutulub.
Qanuna görə, ABŞ 100 yeni F-35, 150 hərbi vertolyot, 4 Virginia sinifi sualtı qayıq və hərbi gəmi təmin edəcək və hərbi personal son 10 ildə ən böyük artımla təmin ediləcək.
Bütün xəbərlər Facebook səhifəmizdə
USD
EUR
GBP
RUB