Rusiyanın Novorossiysk şəhəri yaxınlığında ağır yol-nəqliyyat hadisəsi baş verib. SİA TASS agentliyinə istinadla xəbər verir ki, hadisə nəticəsində azı 3 nəfər ölüb, 44 nəfər xəsarət alıb.
Qəza sərnişin avtobusunun qarşıdan gələn minik avtomobili ilə toqquşması nəticəsində baş verib.
Yaralılar xəstəxanaya yerləşdirilib, onlardan 13-nün vəziyyəti ağırdır. Xəsarət alanlar arasında 12 uşaq da var.
İlkin versiyaya görə, avtobusun sürücüsünün idarəetməni itirməsi səbəbindən avtobus və minik avtomobili toqquşub və yoldan çıxaraq on metr dərinliyində dərəyə yuvarlanıb.
Hadisə ilə bağlı araşdırma aparılır.
Bütün xəbərlər Facebook səhifəmizdə
USD
EUR
GBP
RUB