Venesuela hökuməti Amerika Birləşmiş Ştatlarından bu ölkənin Vaşinqtondakı səfirliyinin binasını qorumağı tələb edir.
SİA-nın xarici kütləvi informasiya vasitələrinə istinadən verdiyi xəbərə görə, bu barədə Venesuelanın Xarici İşlər naziri Xorxe Arreasa bəyanat verib. Nazir bu barədə deyib: “Biz diplomatik münasibətlər haqqında Vyana konvensiyasını imzalayan ölkələrdən biri kimi ölkəmizin Vaşinqtondakı səfirliyini qorumağı ABŞ hökumətindən tələb edirik. Necə ki, biz ABŞ-ın Karakasdakı səfirliyini qoruyuruq, qarşı tərəf də bizim diplomatik korpusu o cür qorumalıdır”.
Qeyd edək ki, artıq bir neçə həftədir ki, Venesuela səfirliyində Maduronu müdafiə edən amerikan qeyri-hökumət fəalları məskunlaşıblar. Venesuela diplomatları isə ABŞ Dövlət Departamentinin tələbi ilə ötən həftə binanı tərk edərək ölkələrinə gediblər. Arreasa qeyd edib ki, Venesuela XİN qeyri-hökumət fəallarının bu ölkənin Vaşinqtondakı səfirliyini qorumaq qərarına hörmətlə yanaşır.
Artıq ABŞ-ın Venesueladakı diplomatları da Karakasda yerləşən diplomatik korpusu tərk ediblər.
Bütün xəbərlər Facebook səhifəmizdə
USD
EUR
GBP
RUB