ABŞ prezidenti Donald Tramp bu gün Yaxın Şərq və Avropa ölkələrinə səyahət turuna çıxacaq. Bu, onun prezidentlik vəzifəsində ilk xarici səfəridir. SİA-nın xarici mətbuata istinadən verdiyi məlumata görə, ABŞ liderinin mayın 20-də Səudiyyə Ərəbistanı paytaxtında Kral Salman bin Əbdüləziz əs-Səudla görüşü olacaq.
Növbəti gün ABŞ Prezidentinin Fars körfəzi ölkələrinin əməkdaşlıq şurasının liderləri ilə görüşü planlaşdırılıb. Tramp mayın 21-də səhər 50-dən çox islam ölkəsi liderləri qarşısında nitqlə çıxış edəcək.
Trampın növbəti dayanacağı İsrail olacaq. O, mayın 22-də bu ölkəyə yollanacaq. ABŞ Prezidenti Qüdsdə İsrail Prezidenti Reuven Rivlinlə görüşəcək.
ABŞ Prezidenti mayın 27-də Vaşinqtona qayıdacaq.
Bütün xəbərlər Facebook səhifəmizdə
USD
EUR
GBP
RUB