Astanada keçiriləcək Suriya böhranına dair növbəti görüşlə bağlı bütün təşkilati məsələlər həllini tapıb. SİA RİA Novostiyə istinadən xəbər verir ki, bunu Qazaxıstanın xarici işlər naziri Kayrat Abdrahmanov deyib. O bildirib ki, görüş planlaşdırıldığı kimi, martın 14-15-də baş tutacaq. XİN rəhbərinin sözlərinə görə, 14 mart tarixində ikitərəfli və çoxtərəfli məsləhətləşmələr aparılacaq. Martın 15-də isə plenar sessiyanın keçirilməsi planlaşdırılır. İordaniya görüşdə müşahidəçi qismində iştirak edəcək.
Qeyd edək ki, fevralın 15-16-da Astanada keçirilmiş danışıqların ikinci raundu zamanı İran, Rusiya və Türkiyənin iştirakı ilə tərəflər Suriyada atəşkəsə dair monitirinq qrupunun yaradılmasında razılığa gəlmişdilər.
Bütün xəbərlər Facebook səhifəmizdə
USD
EUR
GBP
RUB