Türkiyə Suriyanın Rakka şəhərini və digər ərazilərini İŞİD-dən azad etməyə hazırdır. SİA Anadolu agentliyinə istinadən xəbər verir ki, bunu Türkiyənin xarici işlər naziri Mövlud Çavuşoğlu deyib.
O bildirib ki, Ankara ABŞ-ın rəhbərlik etdiyi koalisiyanın iştirakı ilə Suriyada həyata keçiriləcək növbəti addımları müzakirə edib: "Rakka şəhəri ilə bağlı məsələ Fransa, Böyük Britaniya, Almaniya nümayəndələri ilə müzakirə olunub. Düzgün planlaşdırma və yerli güclərin cəlb edilməsi ilə biz Suriya ərazisini asanlıqla İŞİD-dən azad edə bilərik".
Qeyd edək ki, Türkiyənin Baş Qərargahı bir neçə gün əvvəl Əl Bab şəhərinin tamamilə İŞİD terrorçularından azad edildiyini açıqlayıb.
Bütün xəbərlər Facebook səhifəmizdə
USD
EUR
GBP
RUB