Budda rahibi Cənubi Koreyanın paytaxtı Seulda prezident Pak Kın Xe əleyhinə keçirilən çoxminli nümayiş zamanı özünü yandırıb. SİA-nın xarici mətbuata istinadən verdiyi məlumata görə, barəsində impiçmenr elan edilən prezident əleyhinə Seulun mərkəzi küçələrində keçirilən aksiyada yüz minlərlə insan iştirak edib. Axşama yaxın 60 yaşlı rahib Cənubi Koreya hakimiyyətindən prezidenti xəyanətə görə həbs etmək tələbi əks olunan məktub yazaraq özünü yandırıb. O, Pak Kın Xeni həm də Yaponiya ilə 2015-ci ildə imzalanan razılaşmaya görə satqın adlandırıb.
Rahib hazırda üçüncü dərəcəli yanıq xəsarətləri ilə xəstəxanadadır. Onun vəziyyəti kritikdir, huşu özündə deyil.
Bütün xəbərlər Facebook səhifəmizdə
USD
EUR
GBP
RUB