İlkin nəticələrə görə, ABŞ prezidenti postuna namizəd Hillari Klintonun seçki qərargahının Bruklin şöbəsinin təxliyəsinə səbəb olan məktubdakı tozun tərkibində təhlükəli maddələr yoxdur. CNN telekanalı xəbər verir ki, oktyabrın 21-də Klintonun seçki qərargahının Bruklin şöbəsi məktubda aşkarlanan şübhəli tozla əlaqədar təxliyə olunub. Telekanalın məlumatına əsasən, məktub əvvəlcə namizədin Manhettendəki ofisinə göndərilib. Məktubun orada açıldıqdan sonra nəyə görə Nyu-Yorkun digər hissəsinə - Bruklinə yola salındığı məlum deyil.
Nyu-York polisi araşdırmalara başlayıb. Təhqiqata ABŞ-ın Məxfi Xidməti və Fövqəladə Vəziyyətlər üzrə Xidmətinin də qoşulduğu bildirilir.
Bütün xəbərlər Facebook səhifəmizdə
USD
EUR
GBP
RUB