Yaponiyanın şimal-şərqində davam edən "Layonrok" qasırğası 16 nəfərin həyatına son qoyub. Publika.az xəbər verir ki, bu barədə "NHK" telekanalı məlumat yayıb. Telekanalın məlumatına görə, İvate prefekturasının İvaidzumi şəhərində ölənlərın 9-u qocalar evində dünyalarını dəyişən ahıllardır. Onların cəsədlərini xilasedicilər aşkarlayıb. Ötən həftənin əvvəlində ölkənin şimal-şərqindəki Honsü və şimalındakı Hokkaydo adasında qasırğa səbəbindən çay daşıb. Nəticədə yüzlərlə evi su basıb. Əlverişsiz hava şəraiti səbəbindən 100-dən çox aviareys təxirə salınıb.
Qeyd edək ki, avqustun ortalarında tüğyan etmiş "Mindul" qasırğası da 60-dan çox insanın xəsarət almasına səbəb olmuşdu. Bütün bunlar bir yana, ölkənin qərbində yeni tropik qasırğa gözlənilir. Sinoptiklərin məlumatına görə, qasırğa Küsü adasına bazar ertəsi çatacaq.
Bütün xəbərlər Facebook səhifəmizdə
USD
EUR
GBP
RUB