ABŞ Silahlı Qüvvələrinin Baş Qərargah rəisi Cozef Danfordun Ankaraya səfəri, iki ölkə arasındakı hazırkı gərgin münasibətlərin düzəlməsi baxımından önəm daşıyır. Amerikalı general bildirib ki, onun ölkəsi Türkiyədə sabitliyi dəstəkləyir. "Rəsmi Vaşinqton Türkiyədə hərbi çevrilişin yatırılmasını dəstəkləyir və türk hökuməti ilə hərbi sahədə əməkdaşlığı davam etdirmək niyyətindədir."
Bu açıqlamanı isə, ABŞ Silahlı Qüvvələrinin Baş Qərargah rəisi Cozef Danfordla görüşdən sonra Türkiyə baş naziri Binali Yıldırımın mətbuat xidməti yayıb. "Cozef Danford qətiyyətlə hərbi çevrilişə cəhdi pisləyib. O bildirib ki, səfərinin əsas məqsədi ABŞ-ın Türkiyə və türk xalqı ilə həmrəyliyini göstərməkdir. O həmçinin qeyd edib ki, rəsmi Vaşınqton Türkiyənin demokratik sistemini dəstəkləyir və iki ölkə arasında hərbi əməkdaşlıq bundan sonra da davam edəcək", məlumatda vurğulanır. Qeyd olunur ki, Binali Yıldırımın və Cozef Danfordla görüş zamanı həmçinin Suriyadakı vəziyyət və İŞİD-lə mübarizə müzakirə edilib.
Bütün xəbərlər Facebook səhifəmizdə
USD
EUR
GBP
RUB