Hindistanda son 60 ilin ən yüksək temperatur göstəricisi qeydə alınıb. SİA-nın RİA Novosti-yə istinadən verdiyi xəbərə görə, Racastan ştatının Pxalodi şəhərində temperatur +51 dərəcəyə yüksəlib.
Hindistanın Meteoroloji Departamenti yaxın günlərdə istilərin daha da yüksələcəyi barədə əhaliyə xəbərdarlıq edib. Ölkənin şimal-qərb ştatlarında hərarətin +47 dərəcəni ötməsi səbəbindən "qırmızı dərəcə" təhlükə səviyyəsi qüvvədə saxlanılacaq.
Hökumət rekord temperaturdan həyatını itirənlərin rəsmi statistikası haqqında heç bir açıqlama verməsə də, KİV-lərdə yüzlərlə insanın həlak olduğu haqda məlumat yayılıb.
Qeyd edək ki, sonuncu dəfə 1956-cı ildə Alvar şəhərində qeydə alınmış ən yüksək temperatur dərəcəsi +50,6 olmuşdur.
Bütün xəbərlər Facebook səhifəmizdə
USD
EUR
GBP
RUB