"Rusiya və Türkiyə arasında dostluq olmalıdır. Gərginliyin heç bir ölkəyə faydası yoxdur. Türkiyədə ev alan ruslar var. Onlar evlərini hələ satmayıblar. Həmin ruslar istirahət üçwn Türkiyəyə gələcəklər". SİA-nın məlumatına görə, bu fikirləri Rusiya Təhsil, Mədəniyyət və Əməkdaşlıq Dərnəyinin rəhbəri Rimma Rızayeva deyib.
O qeyd edib ki, türk və rusların birgə qurduqları 250 min ailə var: "Onların bu ölkələrdə babaları, nənələri, xalaları, bibiləri var. Ən pis ehtimalla yazda 1 milyon rus vətəndaşı yenə Türkiyədə olacaq".
Özünün həm Türkiyə, həm də Rusiya vətəndaşı olduğunu bildirən R.Rızayeva iki dövlət arasındakı gərginliyin tezliklə bitməsini istədiklərini deyib: "Bu gərginlikdən İsrail və Yunanıstan istifadə edərək rus turistləri öz ölkələrinə dəvət edir, kampaniyalar keçirirlər".
O, rus-türk uşaq yeni il şənliyinin bu il ilk dəfə konsulluğun binasında deyil, Şişli Bələdiyyəsi kənd mədəniyyət mərkəzində keçiriləcəyini bildirib. R.Rızayeva şənliyin sabah saat 10:00-da başlayacağını qeyd edib.
Bütün xəbərlər Facebook səhifəmizdə
USD
EUR
GBP
RUB